www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Aldizkarietan argitaratuak eta beste
Felipe Arrese Beitia
1880-1905, 1999

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Idazlan guztiak, Felipe Arrese ta Beitia (Itziar Urrutia Zorrozuaren edizioa). Bizkaiko Foru Aldundia / Otxandioko Udala, 1999

 

 

aurrekoa hurrengoa

Mariaren alabantzak

 

        Jaungoikoaren urrengo zara

        Maria gura jaubia,

        Zarialako Jesusen Ama

        Eta guraso guria;

        Izan zakiguz orrexegaitik

        Itxaso onetan arkia,

        Zure bitartez jaritxi daigun

        Portu dontsuan sartzia.

 

Zu zara argi, zu zara garbi,

Loitu bagako iturria,

Zara Luzbeli emon zeuntsana

Iñok ez lako lotsaria;

Zara beraren bildurgarria,

Arerio bat aiñ andia,

Nori burua dana triskauta

Ipini zeuntsan gerraria.

 

        Jaungoikoaren urrengo zara...

 

Galanta zara oso Maria,

Apaintasunez ain betia,

Lorategi bat aiñ ederra ze,

Paradisua baño obea;

Nora ezin zan ezelan bere

Inondik sartu sierpia,

Inguru inguru zergaitik zeunkan

Graziaz einda zuk ormia.

 

        Jaungoikoaren urrengo zara...

 

Ez da gauzarik zu duin andirik,

Egillearen egiñetan,

Ez eguzkian, ez idargian,

Eta ain gitxi izarretan,

Aingeruak ta santu guztiak

Berago dagoz zeruetan,

Bakarrik zaukaz Jaunak alboan,

Bera jarten dan Tronuetan.

 

                        Euskalduna, 1897, 36

                        Euskalzale, 1897, I

 

aurrekoa hurrengoa