www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Aldizkarietan argitaratuak eta beste
Felipe Arrese Beitia
1880-1905, 1999

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Idazlan guztiak, Felipe Arrese ta Beitia (Itziar Urrutia Zorrozuaren edizioa). Bizkaiko Foru Aldundia / Otxandioko Udala, 1999

 

 

aurrekoa hurrengoa

Ondra ta alabantzak
Aita San Joseri

 

                        Nere adiskide maite Agirreko On Domingori

 

Intzensoa duiñ gustagarria balitxakizu,

O! done Jose! opa deutsudan ondratxua,

Balitxakizu lora barrien lurrunen gisan

Berau atsegin, berau gozo ta gogokua!

 

Au ezbalitza bere badakit zelan zaituen,

Ni baño izan goragokoak goratuten,

Goragokoen ondoren baña, goragotzeko

Albait goren ni abietan naz lirau joten.

 

Uda barriak danen aurretik goratzen zaitu,

Igex egiten deutsu neguak guztiz urrin,

Eta izate dana dakusgu jagiten dala

Nai leuskizala abegi on bat zuri egin.

 

Arantza miñak berdez jantziten asirik dagoz,

Txori tristeak bota dituez lengo penak,

Goixetan uste nik izaten dot alegeratu

Oi dituzala zure egunaren etorrerak.

 

Kristiñau onak poztu oi ditu zure egunak,

Aberats, pobre, andi zeiñ txiki diran danak,

Ta batez bere adierazo aurten nai dabe,

Egun au jaitzat zelebrauagaz españatarrak.

 

Atso agura zar zarrak zaukez laguntzallatzat,

Galaiak deutsu biotz garbia eskiñiten,

Eta dontzellak zure altarak bitxiz jantzita

Zeu ondretako galanto dabez apainduten.

 

Zarealako lirio gisan loretan loren,

Zarelako ederez edur antzekua,

Zarelako Bildots ederrak amore-errekaz

Erregau eta erregetakaz edertua.

 

Berorren ezpan jazminezkoak bazituezan

Karminez jantzi larrosa gorri usaintsuak,

Zure ezpanak erioela ezti gozoa

Zara emona berorri laztan, zelakuak!

 

Zure zanetan bizitza inkau eban orreri,

Guraso legez emon deutsazu zuk ogia,

Zure biotza arimaz jantzi eutsuna, batzen

Dozu zeuk besoz altzo orretan, ze gloria!

 

Probidentzia exegiten da zure samatik,

Zuzentzen dozu egin guztien Egillea,

Zeuri eskuan mun egitean deitzen deutsazu

Betikoaren Seme danari zeuk semea.

 

Beko irubat santuan zara gidaria zu,

Aitaren Berbo orrek dantzutsuz zure esanak,

Argi guztien Argitzalleak darraitzu barriz,

Dontsutu arren bere gloriaz zeru danak.

 

Arpa soñuan goratzen dabe gaur zure jaia,

Jolas aldiak goietan jatzuz eskiniten,

Eta munduko alderdi biak alabantzakaz

Zagozan jargoi orretaraño dabe igoten.

 

Nun da beste bat zu legez alan aiñ goratua?

Izanagaitik naiz bat errege, nun da aurkitzen?

Zeru ta lurrak kantau oi dabez zure gloriak,

Dakuselako Jauna zeurorri obeditzen.

 

Agur, o! andra danen artean autuarentzat

Zeruak egin zinduzan senar duin ta andia,

Agur, Joakiñen eta Anaren alabeagaz

Ezkondu ziñan Dabiden seme egogia.

 

Agur, Eleixa katolikeak gordetzallatzat

Esleidutako santu eregi goratua,

Ejipton beste Jose zan baño askoz urrago

Errege danen Erregearen ondokua.

 

Agur, bai, agur millaldiz goiko jauregi

Ederretako prinzipe dontsu aiñ argia,

Agur, zeruko Erregiñaren esposo garbi

Gorputz ta arima glorietara eregia.

 

                        Euskal Erria, 1890, XXII

 

aurrekoa hurrengoa