Jesukristo gure jaunaren zeruratzea

        Amalauduna

Gau ostean oi dau, igoaz gorago,

Febok gorrituen egun aurrea;

Baña, beste batek larrosatuago,

Gaur zoragarritu dau goi aldea;

Garaitzalla legez o bai, o! zelango,

Martxa jo deutsen aiñ alegerea;

Musika obea emengoa baño

Zalako, eroan deust arimea.

Zeru-atarian: ateok zabaldu,

Deitu dabenean gordetzalleak;

—Nor da? barrukoak egiñik itandu,

—Errege, eranzun deutse bestiak;

Buruak bertatik danak desestaldu,

Eta idigi deutsez ate guztiak.

                        Euskal Erria, 1889, XX