AKHERRAREN...

Akherraren adarraren makhurraren

                Makhurra;

Hik bahuen, nik ez nikan akherraren

                Beldurra.

Ahuntzaren esnearen gozoaren

                Gozoa;

Hik ez ukhan, nik banian ophor esne

                Beroa.

Pittikaren ilearen legunaren

                Leguna;

Xuri ta beltx, pittika bat, gu bientzat

                Fortuna.

Adar kakol, usain gaixto, heian dugun

                Akherra

Garruzeko ferietan aitak saldu

                Beharra.

Errape luz, esne gozo, bordan zagon

                Ahuntza

Amak utzi Baigorrirat, egin dezan

                Ezkontza.

Jauzketari, jostakina, oi pittika

                Pullita;

Enetako, hiretako, gurea duk

                Battitta.