HARPEKO SAINDUA

Bidarrain gora Harpeko Saindu, saindu izenik gabea,

Miriku jaunek ezin usmatu sendagailuen jabea.

Entzunak entzun, bethi nindagon: saindurik hor bizi dea?

Jakin beharrez egin izan dut harperainoko bidea,

Baitakit orai zoin gaitzikor den horko barbera gordea.

Gure Jainkoak bakharrik daki noizpeit gerthatuen berri:

Baztango urak zer aro moldez abiatu ziren kurri;

Noiztik Erratzu eta Bidarrai diren eskual auzo herri;

Nola Saindu bat harpe batean bilhakatua den harri;

Harria bera, bi mila sorgin! noiz danik dagon ithurri.

Zeruan izar, lurrean belhar, itsaso zabalean ur;

Harpeko saindu famatuari nik behin bethikotz agur;

Ez dezaket ez, askok bezala, esker onik horri bihur;

San Thomas nuen beilari lagun: kukuak jo zautan makhur;

Etxerakoan minez ai-ei-ka nindabilala niz segur.