ITHURRI HOTX

Nork erranen daut hoin gora nundik

    sortzen den ur hotx garbia?

Egunaz irriz, iguzki mirail,

    gauean izar-begia,

Harrok' artean ez dakiela

    nolakoa den lohia,

Botzik ikharan berekin baitu

    zeru ederren argia!

Haur gireno gu, garbitasunez,

    mendiko ura iduri;

Argitan gauzkan argi bakharra

    Jainkoak emana guri.

Ezin dirauke iguzki onak

    egun eta gau nehori;

Ilhunpez ginen, aro gaixtoan,

    ihiztokarat erori.