BAT ETA BAT!

                Kantatzeko hala nola:

                «Jeiki, jeiki, ene senhar gaizoa».

Bat eta bat jakizak direla bi;

Amarraina ur lasterretan garbi.

Bieri bat emotek, eta hiru;

Etxehandik moltsan badikek diru.

Bietan bi, nahi-t-ez, badituk lau;

Garizuman, xardin eta makallau.

Lauaz goiti, lehen maila baita bortz,

Pazkoz harat, beharko diagu hortz.

Biko, biko, biko berriz, horra sei,

Miko, miko, pixka, pixka baten gei;

Bethidanik, aiphatuena zazpi,

Jauregian, baditek xingar azpi.

Zazpiak Bat. Zazpi eta zortzi,

Zortzi horiek zazpiak tik ehortzi;

Bainan lauek bortzekin bederatzi,

Zortziari sor dakiola gaitzi.

Muslariek bortzekin hamarreko,

Hamarrez guk Agur Mariendako.

..............................................

Haurrak hea, othoitza belhauniko;

Mahumari hegalak eroriko.