www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ama euskeriaren liburu kantaria
Felipe Arrese Beitia
1900

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ama euskeriaren liburu kantaria, Felipe Arrese Beitia. Josť Astuy, 1900

 

aurrekoa hurrengoa

GAZTEA ETA AGUREA

 

                Nere adiskide Jose Zapirain eta Irastorzari

 

Egun sentiak Maiatza dituzu

Guztiz atsegin, txito gozuak;

Ikutuaz bat goixean goixetik,

Eguzkiaren errañutxuak;

Zelan direan alegeretuten,

Oian dagozan mindun gaixuak!

Eta ze zoli jagiten direan

Bearrerako osasuntsuak!

 

Bizitzan bere, ze gozoak diran

Gazteen egun Maiatz argiak!

Zelan geroko esperantza onak

Poztzen dituan biotz guriak!

Izar orretan josirik zintzoro

Ekarten dabez euren begiak,

Naiz da geienez esperantzok izan

Ames uts edo zorakeriak.

 

Zelako doe ederrak isurten

Sortitzak ditu gazte denporan,

Ze ikusgarri benetakoa dan

Aurkitzen bada bakotxa loran;

Ai ez balitxat aldi ori baña,

Zelan agertu alantxe joan,

Atzo ni izan arren lora arro,

Ona gaur zelan zimel nagoan.

 

Ze alegere len bizi oi nintzan,

Beti barreka negar bagea,

Bizkortasuna gorputzean neukan

Ta biotzean jolas gurea;

Soñularia bere ni banintzan,

Gozetan neban beti udea;

Baña Maiatz au atsotu dan legez

Ni bere nago gaur agurea.

 

Agur betiko aurtengo Maiatza,

Ta nire egun gaztetakuak,

Agur zure gois txorrotxiotsuak

Ta nire lengo kanta soñuak;

Sortitza laster abiauko jaku

Egunak moztzen, luzetzen gauak,

Edurtu baña, burua eustala,

Denporea da niri Neguak.

 

Antxiña iges eban niretzako,

Uda barritxo atsegindunak,

Ai, ene orain, emon Abenduan,

Bearko ditut oñatz astunak;

Enituan nik gaztetan ikusten

Zelan zirean zarren egunak,

Gaur dakust negu gogorrak dirala

Ta gazteenak Maiatz bigunak.

 

aurrekoa hurrengoa