www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ama euskeriaren liburu kantaria
Felipe Arrese Beitia
1900

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ama euskeriaren liburu kantaria, Felipe Arrese Beitia. Josť Astuy, 1900

 

aurrekoa hurrengoa

NEKAZARI ERNEGAU BAT

 

Mitxel nekazaria bizi zan erneguz,

Bere suerteagaz ez iñoz soseguz,

Ez eukalako arek beste egarririk,

Aberats izatea munduan bakarrik;

Beti ebillan nondik arto asko batu,

Al ebana auzoan egiñagaz ostu;

Ziñoan: «nik baneuka ondasun naikoa,

Munduan nintzateke zorionekoa».

Bardin egoanean oian bere lotan,

Nondik aberastuko ebillen pentsetan;

Itzain bere bazan ta, edo noz bidean,

Ebillan gau ta egun lana eukanean.

 

Burdi bat ikatzagaz bein joian olara,

Logureaz zabuka ezin joan zala;

Bildurturik etzin zan ikatzen gañean,

Idiak ez egien artu ankapean.

 

An bere laster lotan asten da amesetan,

Betiko aberastu zala bein benetan;

Bilbora etorrita ontzi bat eukala,

Beretzako india asko ekarzana;

Eta urtenda goix goix bere baserritik,

Gaberako atzera biurtzea gaitik;

Uste eban galopan joiala zaldian,

Aztu zan lo joiala olaruntz burdian:

 

Ta noz eban sinistu ontzien lekura;

Elduta sartutea dirudun barkura;

Jatsiten zalakoan lurrera zalditik,

Mitxel ameslaria jausi zan burditik;

Eta jausi ez eze arturik burdiak,

Erdibitu eutsazan berna azur biak;

Orduan dazau zelan zoriontasuna,

Gozetako bear dan lenen osasuna;

Eta konturaturik zala kastigua,

Izan eban suerte alako gaiztua;

Diño penaz beterik: «sano banengoke,

Ai pobre bizi arren kontentu nintzake!

Osorik daukazanak almen ta zentzunak,

Kantau lei daukazala aberastasunak».

 

aurrekoa hurrengoa