www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ama euskeriaren liburu kantaria
Felipe Arrese Beitia
1900

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ama euskeriaren liburu kantaria, Felipe Arrese Beitia. Josť Astuy, 1900

 

aurrekoa hurrengoa

TOMAS ETA TOMASA

 

Tomas eta Tomasa, senar emazteak,

Ezkonbarriak ez da, aiñ gitxi gazteak;

Zelan dauken etxea trastez jantziteko;

Sarritan erabagi dabe erosteko;

Ogei garrenaz dira, irago dan udan,

Bilbora izan eta lenengoko dendan,

Tomasek esan eutsan laster Tomasari:

Ementxe dagoz gauzak onak ta ugari,

Sartu gaitezan eta jakin daigun zegan,

Guk bear doguzanak emon nai dabezan;

Emeretzi urtetan ortxe gara asi,

Ta baten bere ezer ez dogu erosi.

—Tomas enoa orra, zergaitik euskeraz,

Batek bere ez daki, ezpada erderaz;

Baña euskaldun dendan, ete dauz Tomasak

Erosi espaldian nai dabezan gauzak?

Erosiko ebazan Tomasak poz pozik,

Euki al izan baleuz diruak osorik;

Baña ogei garrenez tripan zeinbat gura,

Bilbotik gastau baga ekarri dau ura.

 

aurrekoa hurrengoa