Mukertasuna

Meza nausi denporan

egusarietan

eragozten dalako

jokoa plazetan

obediu nai ez da

ordena orreri

Karzelan sartu eben

Andres pelotari

non erautsan leiotik

jaian deadarrez

ulua eriola

sututa asarrez:

—Burdiña oneik nauke

zarratuta preso

erreja gogor batzuk

eurok diralako;

kaletik deutsa Paulok

laster itanduten:

—Burdin orreik zergaitik

ni enabe lotzen?

—Alkatearen naia

dozulako eiten.

Ta onetan ara non

kanpotik beingoan

pelota bat sartzen dan

leiotik barruan

eta Paulok dirautsa

barriro orduan:

—Orra lagun barri bat

or dozu orduan,

Ta non ibilli balitz

legien neurrian

orain aurkituko zan?

Pelota tokian.

Legeak zainduteko

ez izan mukerrak

an dauke kartzelea

bestelan okerrak.