Itsu argi bat

—Olloa ill dozu ta

Zer egin dozu Juan?

Ain txarra ziñeanik

Sinisten eneban.

—Ez aldakizu, Txomin

Bizitza guztian

Zelan nekez nabillan

Bakarrik eskian?

Eta txakurrak bere

Askoren antzean

Zelan ez daben gura

Pobrerik atean?

Alan zuenak bere

Aginka deust ekin,

Eta makilleagaz

Nairik us eragin,

Txakurra jo nai eta

Jo badot ollua

Errurik bat ez eukan

Egazti gaisua,

Itsuak egitea

Au al da mirari,

Argiak okerrago

Oi badabe sarri?

—Argiak okerrago

Zelan egiñ oi dau?

—Onai txarren errua

Eraginda pagau.

—Zeiñek esango dau Juan

Eztala argia,

Begi baga ikusten

Ak badau egia.