www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Asti-orduetako bertsozko lanak
Felipe Arrese Beitia
1902

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Asti-orduetako bertsozko lanak, Felipe Arres ta Beitia. José Astuy-ren moldiztegia, 1902.

 

 

aurrekoa hurrengoa

Bakea

 

Lurrean ezer beste gauzarik

Bakeak ez dau bardingarririk,

Naiz izan urre gorria,

Baldin bagagoz gerran nasturik

Etxaku aiñ pozgarria.

 

Gerra denporan bildurra danak

Dauke gitxi zeiñ asko daukanak,

Danik pobreena barriz,

Bake denporan bear ta lanak

Dauka kontentuz beterik.

 

Zorioneko bake dontsua,

Zeruetatik jatsitakua,

Zatxakuz orren ederra,

On guztietan aukeratua,

Ziñan etorri lurrera.

 

Da antxiñako esaerea,

«Osasunagaz naste bakea»

Dirala lenen guretzat,

Eurak bagarik Erregetzea,

Bere nai ez dot neuretzat.

 

Errege bere dabil artega,

Galdu bajako bake ederra,

Gau eta egun asmuan,

Nundik ekarri lengo senera

Zoriona erreñuan.

 

Baña Erria bake bakean

Gerra bagarik dagonean,

Pobrea txabolan bere

Bizi da atsegin bete betean

Izan ez arren Errege.

 

aurrekoa hurrengoa