www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

HIRUAK

 

        Gela xokoan zauden hiruak, elgarri beha, elgarri irriz.

        Aitamak ukurtuak haurraren begietarat, haurra dena begi aitameri kantuz: «Atta, atta... ama, ama-ma...»

        Eta biak bozez ta kontentuz elgarri beha zauden ixilik... eta... hiruak bat ziren.

        Trinitatea, hitz ilunbetsua, bainan horra zer den Trinitatea: hiruak bat, hiruak hain tinki, hain amultsuki, hain osoki bat, nun ez baitute bihotz bat eta izaite bat baizik.

        Aita ahal guzizkoa izaki-ta, munduak eta munduak egin diozka Semeari eta izar bezenbat seme-lagun.

        Trinitatea...! Gogoak ezin errana, bihotzak sentitzen du...

        Aitarekin bizi-emaile, lan-egile zaiztenak,

        Semearekin esker bihurtzen, otoitz egiten ala pairatzen duzuenak,

        Izpirituarekin maitez maite duzuenak, egon, zoratuak, zeru-alderat beha:

        «Oi Trinitate Saindu Saindua!...»

 

29-5-47

 

aurrekoa hurrengoa