www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

GAZTE

 

Irakitan duk, gazte, zainetan odola,

Arbasoen ametsa hitan baitabila.

Lehengo itsas-gizon erne hok bezala

Hara orai euskal-suz nihun ehaukela.

 

Piztu zaik hezurretan lehengoen karra

Eta mendez mendeko euskaldun indarra.

Hertsiegi zaik orai hire euskal-lurra.

Piztu zaik urrunerat joateko beharra.

 

Pottoka bezein arin, zaintsu eta harro

Legeak, ohidurak trabak zaizkik oro.

Bazter zabalez gose, amets gaitzez bero

Bizi nahi haiz bizi nausi eta libro.

 

                      * * *

 

Lokarri gabe denik ez duk nihor nihun;

Ez bahaiz hitan libro, ezin izan urrun.

Goikoaren mintzoa bihotzean entzun:

Joan gero joan ameska, Jainko Jauna lagun.

 

...-56

 

aurrekoa hurrengoa