LEKAROTZ

                Lekarotzen

                Aita Donostiarekin.

Lekarotzeko herri txikia

Mendi-xokoan jarria.

Lekarotzeko herri txikia,

Eliza txiki xuri-gorria

Zoin zaitan maita-garria.

Inguruetan guziak mendi

Zenbeit etxe, zenbeit ardi.

Inguruetan guziak mendi:

Zerua hortxet hurbil dirudi,

Ikus-ahal bezein handi.

Lekarotzeko herri txikia

Mendi-xokoan jarria.

Lekarotzeko herri txikia,

Eliza xuri harri-gorria

Zoin zaitan maita-garria.

Kadiren pean berrogoi xare,

Aldarea dena urre.

Kadiren pean berrogoi xare,

Etxe bakotxen arimen pare

Mezetan pizten baitire.

Lekarotzeko herri txikia

Mendi-xokoan jarria.

Lekarotzeko herri txikia,

Odol-suz bete harri gorria

Zoin zaitan susta-garria.

Euskal-goxoen euskal-eztia

Hor du Jaunak ixuria.

Hor ene baitu hor hautetsia

Euskal-goxoen euskal-eztia

Dabilan Soinularia.

Lekarotzeko herri txikia

Euskal-iturri garbia.

Horko eztien euskal-irria

Xurgatzeak daut pitz-arazia

Histu begian bizia.

24-2-56