www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Argiz argi
Xabier Iratzeder
1947 -1957

      [liburua osorik RTF formatuan]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

GAU OTOITZ

 

                Gazte bat joan...

 

Gau otoitz luzen ondoko ezin lokartu luzean

Gaur, lo jale, banituen nigar hipak bihotzean.

 

Usaian ezti-eztiki lokartzen naiz berehala

Eta goiko arimekin ametsetan banabila.

 

Gau-otoitz luzen ondotik ezin lokartu luzean

Dena nigar, dena hipa zu zintudan bihotzean.

 

Zu nigarrez joan zarena eskainirik zure mina

Ainitzek izan dezaten zuk zinuen zoriona.

 

Gau-otoitz luzen ondoko ezin lokartu luzean

Gaur lo jale, banituen nigar hipak bihotzean.

 

Zure arima nerean ilabete luze-luzez

Moldatu dut, sustatu dut hitzaldi eta otoitzez.

 

Gau-otoitz luzen ondoko ezin lokartu luzean

Zu hain tanpez joan zarena, zu zintudan bihotzean.

 

Jaunak eta nere griñek moldatu saindu gaztea

Zoazi, ahantz oro eta... har Jaunak nahi bidea.

 

Gau-otoitz luzen ondoko ezin lokartu luzean

Ezin ahantzi arima zu zintudan bihotzean.

 

Zoazi beti, zoazi goiti, zoazi Jainkoari buruz

              Bihotz osoz eta kantuz.

 

20-1-52

 

aurrekoa hurrengoa