www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Joakin Lizarraga
1793-1821, 1983

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Koplak, Joakin Lizarraga (Juan Apecechea Perurenaren edizioa). Euskaltzaindia, 1983

 

 

aurrekoa hurrengoa

Alako gala berrian

 

Alako gala berrian

Jesus ona itzultzen da,

ia famaturik errian

jendeketa biltzen da.

 

Atra bedi ikustera,

non juez unibersala

an batetik berzera

damaten reo bezala.

 

Jaun ona bere menean

juezak ikusirik,

len errana ta azkenean

dio, eztela kausarik.

 

Libratu naies presoa,

gogoratu zekio zena

biramona aien bazkoa,

libratzeko nai zutena.

 

Au nai zezaten obeki,

ladron gaixto bat arras

eman zue autara oneki,

deitzen zena Barrabas.

 

Oiu iten du bai orgatik:

Libre bear da bat beras;

zein nai duzie bietatik,

Jesus edo Barrabas?

 

Aiek emanak direla

gaitzera guzis arras,

oius diote nautela,

ez au, baizik Barrabas.

 

O biotzen gaitz gaixtoa

noraño daiken ellega!

Utzi beren Jangoikoa,

kontra denai ala apega!

 

Zenbat aldis bere ariora

ala erran dut obreki;

eztu bada, ene juiziora,

orrek ala merexi!

 

aurrekoa hurrengoa