www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Joakin Lizarraga
1793-1821, 1983

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Koplak, Joakin Lizarraga (Juan Apecechea Perurenaren edizioa). Euskaltzaindia, 1983

 

 

aurrekoa hurrengoa

Asunzio ta Koronazioaren

 

Beira ia zeruak

zabal idikirik,

Jesus ta aingeruak

lurrera jautsirik;

beira, ia darama

iganen; iganik

sartzen du Jesusek ama.

 

Oh! nola aklamatzen

duten ta bibatzen,

zer kantak kantatzen

zer dantzak dantzatzen;

sartzen da Maria

graziak barratzen:

Da gloriaren gloria.

 

Besarka eternoan

Trintatek artzen du

paratu thronoan,

ta koronatzen du:

Errege, dio, ni,

niork ezin kendu;

erregina zu nereki!

 

An dago Maria,

guzis gloriosa,

erregina andia,

guzis poderosa,

ama Jaun onaren

guzis piadosa

eta bekatarien.

 

Gizonen kasta ia

goratu loietik,

eta paratu da

guzien gañetik:

O fabore egina!

Baitute guretik

errege eta erregina!

 

Jangoiko Jaun ona,

dugu milla esker,

in baize gizona;

ta baitu alaber

guganik autatu

ama guzis eder,

ta guzis gora goratu.

 

Zori-onak zuri

ematentizugu,

ama, baita guri,

ezi plazer dugu,

zeren zu zeruan

gurea zaitugu,

ta guzia zure eskuan.

 

Gora egonagatik

erregina andia,

eztu nai orgatik

izan suberbia;

andik bai beiratzen

du bekataria,

ta gaitzetik oneratzen.

 

Amak semearen

gisa guzia du,

baitare beraren

ona segitzen du,

bera guregatik

iltzela ikusten du:

Ama afanatzen orgatik.

 

Jesus humila zen,

eriotzeraño

humillatu baizen;

andik onaraño

Maria da apaltzen:

Nior egundaño

aren faltaz ezta galtzen.

 

Balitz bat berere

zuri eskaturik

utzia beñere

desanparaturik,

zure piedadeak

arrek mututurik

ez aipa miserableak.

 

Oroi zaite bada,

eztela ez aditu,

o gure abogada,

nior akuditu

zugana duenik,

duzula despeitu

sekulan uts zureganik.

 

O esperanzaren

ona ta alegrea!

Dena ama Jaunaren,

dela ama gurea!

Baitu podorea,

baitare amorea,

ezin falta faborea.

 

aurrekoa hurrengoa