www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Koplak
Joakin Lizarraga
1793-1821, 1983

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Koplak, Joakin Lizarraga (Juan Apecechea Perurenaren edizioa). Euskaltzaindia, 1983

 

 

aurrekoa hurrengoa

Zer den Jesus beiratzea

 

Zer den Jesus beiratzea

an sakrifikaturik,

nola axuri ezin obea,

ain manso ta humildurik!

 

Loturik, golpaturik

len, eta azotaturik,

guruzifikaturik

eta odoles usturik.

 

Nork ala paratu du?

Eta zer kulpagatik?

Eztu kulparik, eztu:

Guzia da enegatik.

 

Kulpak izanik nereak,

Jesus ona nork il du?

Niri didan amoreak,

amoreak egin du.

 

O amore geiegia,

guruzean il duzu

gure Jesus onegia:

Aldarean zer nauzu?

 

Onegiak gaixtoagatik

bizias pagatu du:

Bere burua zergatik

berriz or paratu du?

 

Guk merexi baño iago

ta iago len egin du:

Emen berriz zertan dago?

Jesus ona, zer nai du?

 

Agertu amore duena

gugatik, bear balitz,

iltzeko, ta artzeko pena

iago ta iago berriz.

 

O amorea noraño?

Klaroki mostratzen du,

bere bizia ere baño

iago gaituela gu.

 

Ta emendik segitzen dena,

gure arimen galtzeas

lukela geiago pena

ezi berriz iltzeas.

 

Il eztaike, ta eztu iago

penarik ia sentitzen,

alaere oraño dago

pasatuak berritzen.

 

aurrekoa hurrengoa