www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Katexima labürra
Athanase Belapeire
1696, 1983

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Catechima laburra eta Jesus-Christ goure Ginco Jaunaren eçagutcia, salvatu içateco, Athanase Belapeyre (Jean Jouis Davanten edizioa). Euskaltzaindia, 1983.

 

 

aurrekoa hurrengoa

LAURGARREN KAPITÜLIA

Andre Dana Mariaren Bisitazioniaren.
Üztailaren 2.

Aitzineko igantian erraiteko

 

        G: Zoin misterioren orhitzarria da daigün egün?

        I: Birjina saintaren, Elisabet bere kosia saintaren maiteki eta hümilitatereki bere etxen ikhusten izanarena.

        G: Hoiek biak nola ziren?

        I: Elisabet izorra zen Jondane Batistaz; eta Maria Jesüs-Kristez.

        G: Ordian zer heltü zen?

        I: Maria minzatü bezain sarri, santa Elisabetek sabelian zadükan haurra, boztarioz jauzkatü zen, eta Marian zen Jesüsa adoratü.

        G: Santa Elisabetek Mariari zer erran zerion?

        I: Birjina saintari oihüz erran zerion: emazte ororen artian onsa dohatsü zira, eta benedikatü düzü zure sabeleko frütia.

        G: Eta Mariak; zoñi hain ohore handiak egiten baitzeritzen?

        I: Honek erran zian Magnificat kantore sakratia.

        G: Hitz gütitan zer dadüka kantore miragarri honek?

        I: Mariak Jinkoa hontan gloriaz bethatzen dü, eta bere büria ezdeusen edükiten.

        G: Zergatik egün oroz kantore haur erraiten dügü elizan?

        I: Espiritü Saintiak egün bihotzetara isuri zian alageranzia saintiaren orhotzarretan.

        G: Nola adelatürik erran behar da kantore saintü haur?

        I: Boztario handi bateki Jinkoaren handigoez, eta hümilitate barna bateki.

 

aurrekoa hurrengoa