5. igantian

BOSTGARREN KAPITÜLIA

Zirkonzisioniaren bestaz,
eta urthatsez

        G: Zoin besta dügü daigün eg.?

        I: Zirkonzisioniaren besta.

        G: Zer zen zirkonzisionia?

        I: Lege zaharreko sakramentü bat, zoñek sartzia emaiten baitzian Jinkoaren popüliaren artiala, orai batheyiak Elizala sar eraziten gütian bezala.

        G: Zirkonzisionia nori eman izan da?

        I: Abrahami; Jinkoak hareki eta haren ondokoeki Alianza egin zianaren zeñharetan.

        G: Zirkonzisioniak zer berheziki zeñharatzen zian?

        I: Jente güzien zaña theyü zela.

        G: Nola theyü?

        I: Bekhatü orijinalaz.

        G: Zergatik Jesüs-Kristek saintü zelarik, Zirkonzisionia hartü nahi ükhen dü?

        I: Erakusteko gure bekhatien gaztigiaren egartera, eta hen xahatzera, jin zela.

        G: Zergatik Jesüs-Krist hasi da haurzaroan bere odolaren isurtzen?

        I: Erakusteko, bere odolaz gure ükhüztera jin zaiküla.

        G: Egün hartan zer egin zien orano?

        I: Jesüs izena Jinkoaren semiari eman zerien.

        G: Jesüs izen honek zer dio?

        I: Salbazalia erran nahi dü, eta Jinkoaren semiari eman zaio, zeren gure bekhatietarik idokiten baikütü.

        G: Jesüs izenak zer ohore merexi dü?

        I: Etzaio aski ohore emaiten ahal, izen handi honen enzüliak oro Paradüsian, lürrian, eta Ifernian belharikatzen direnaz geroz. Philip. ij. v. 10.

        G: Gure salbazaliaren zirkonzisioniak zer erakasten derikü?

        I: Gure bihotzaren ebakitia, diot nahi gaistoen muztia, güziz gure sendimentien sentherietara dütügün erortokien.

        G: Besta hontan zer egin behar da?

        I: Daigün urthia oro Jinkoari ohereskatü, eta haur orhoi, haren zerbütxian igaran dezagün.