www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Katexima labürra
Athanase Belapeire
1696, 1983

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Iturria: Catechima laburra eta Jesus-Christ goure Ginco Jaunaren eçagutcia, salvatu içateco, Athanase Belapeyre (Jean Jouis Davanten edizioa). Euskaltzaindia, 1983.

 

 

aurrekoa hurrengoa

2. igantian

 

BIGARREN KAPITÜLIA

Parropia Mezaz

Eta lehenik, pronoaz,
aitzineko 9 igantian erranez lekhora

 

        G: Egün honen santifikatzeko eta Jinkoari emaiteko, zer egin behar da?

        I: Hontan egin obra onak.

        G: Zoin da egün saintü hontan egin beharrago dügüna?

        I: Meza saintiaren enzütia.

        G: Zoin meza enzütekoago dügü?

        I: Nork bere parropiakoa, lehen Elizako maniaren arau.

        G: Zergatik hobe da parropia Mezaren enzütia, beste bat beno lehen?

        I: Zeren parropia Mezala bilzen baitira lekhüko Jinkoaren haurrak zointan pronoa egiten baita.

        G: Zer da pronoa?

        I: Pronoak bi gaiza gehien dadüzka.

        G: Zoin dira?

        I: Lehena da Jinkoaz manatü den othoitzia, Elizako güzien, honen artzain, prinze, eri, desditxatü, eta haur beharretan diren ororentako.

        G: Othoitz haur Jinkoari laket zaioia?

        I: Bai, güziz algarreki artzañaz eta ardi bildü honez oroz egiten denian.

        G: Zoin da pronoaren bigarren parte gehiena?

        I: Erretorak honi iarraiki eraziten deritzon argiak.

        G: Artzañak bere ardier emaiten deritzen eskolak Jinkoari laketago zaitzoia, eziz atzenak?

        I: Bai, zeren arimen haxia egari behar dianarena baitira.

        G: Zergatik orano?

        I: Zeren haur baita Elizak manatü, eta gehiago, gomendatü diana: hontan ere haren maniak, bestak, barurak, eta beste Jinkoaren zerbütxükoak erakasten baitira.

        G: Parropia Mezak badia orano zerbait Jinkoari laketago zaionik?

        I: Bai.

        G: Eta zergatik; ezteia ber Jesüs-Krist Jauna bardin Meza orotan Jinkoari ohereskatzen??

        I: Haur egia da: bena parropia Meza gehiago da, hontara kristi güzien batziaz.

        G: Zer dü honek hoberik?

        I: Jinkoari algarreki othoitzen eskenzia, arthelin gañen ezari denaren ahoaz.

        G: Parropia elizek zer beste hontarzün die?

        I: Hoier dira ikhastiaren eta sakrementien üthürriak, non edireiten baitira kateximaren eznia, batheiatzia, krisma eta olio saintiak, eta urthekal Bazkoa egiten.

        G: Zer da haboro parropia elizetan?

        I: Kristien ehortztia ber ilherrian.

        G: Horiek orok zer egiten die kristien batarzünian?

        I: Haur da algarreki arrasortzia batheyiaz; ber üthürritik iakin beharren, eta sakramentien hartzia, eta hiletarik pitziaren ügürükitia.

        G: Onsa ari deia, nork bere hiriko elizaren edertzeko, zerbait emaiten diana?

        I: Bai kristiak hetara ioaitera dei ditzen hobeki, hartakoz hurak xahü, argi, eta althariak eder eta ahalaz ohoratü üdüki behar dütie.

 

aurrekoa hurrengoa