20. igantian

HAMAZORTZIGARREN KAPITÜLIA

Besta berriz Jesüs Jaunaren
korpitz saintiaren ohoretan

        Heben orhit, nola Dabid erregiak apezeki, lebiteki, eta popülü güziareki ohore handitan, Jinkoaren arkha eroaiten zian Obededomen etxera; gero berhala hantik Sioneko mendi saintiala, amorekatik hura egon ladin Dabid berak egin zerion Tabernaklian. 2. Reg. c. 6. Parapilo. c. 13.

        G: Daigün ostegünian zoin besta ohoratzen dügü?

        I: Althareko sakramentü saintiarena.

        G: Zergatik Elizak prozesione hain ohoratü bat manatü dü egün hortan?

        I: Bi arrazu gehienegatik.

        G: Zoin da lehena?

        I: Jesüs gure Jaunari eskerren emaiteko, zeren apairü Jinkoaz egin bat, eta hain sakrifizio saintü bat bethiko eman baiterikü.

        G: Zoin da bigarrena?

        I: Ohoratzeko Jesüs-Kristek bere Elizari eman derion indar handiaren, sakramentü saintü honen etsaien goitzeko.

        G: Egün hortako prozesionian nola ediren behar da?

        I: Espiritü bildü bateki, begiak behera so, tortxo bat eskian, Jesüs-Kristi egün hortan emaiten zaion ohoriaren zeñharetan, eta hain honki handi egin derikünaren orhitzarretan.

        G: Hain honki handi baten Jesüs gure Jaunari ezagütziaren emaiteko, aski deia egün hortako prozesioniala, eta zerbütxü saintiala joaitia?

        I: Ez; bena orano zortzi erriak diraiano, ahalaz Meza saintia enzün behar liate; eta egünian behin gütiena haren adoratzera joan elizala.

        G: Zer gozo hartü behar da besta hortarik?

        I: Misterio hori sinhets osoki, eta federeki erran ardüra, Jesüs-Krist ene Jauna sinhesten dizüt azkarki, zure korpitz eta arimareki zirela althareko sakramentü saintian.

        G: Zer egin behar zaio gehiago?

        I: Dohain hain handi eman derikünaren hari eskerrak eman, eta haren aitzinian egon peretxü berhezi bateki.