www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Parnasorako bidea
Eusebio Maria Azkue
1896

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Parnasorako bidea, Eusebio Maria D. Azkue (R.M. Azkueren edizioa). Astuitar Moldagintza, 1896

 

aurrekoa hurrengoa

ZORIZKO BARDINTASUNA
DAMA BI

 

Etxe eder baten bizi zirean

dama galanta gordinak

umezurtz bakar egozan eta

biak zirean bardinak:

bardinak iantziak, eta gorputz biak

        molde baten lez eginak.

 

Ezin eukezan munduko semek

ondo ezagutu nor zein zan;

bardin zan bata ispilu aurrean,

nai biak ikusi bat zan:

zan ondo ikusi ta gorputz bat bituta

        berbaz, ibilten, nai dantzan.

 

Euren gorputzak lerroa legez

oker-unerik bakoak;

oinak laburrak; garriak meiak;

ta idun edurra lakoak;

agoak txikiak; ta esku pare biak

        lirio bost orrikoak.

 

Sedea legez euren ulea,

zeru-urdinezko begiak

surrak politak, ezpanak meiak

ta agin txikitxu zuriak:

arpegi bakoitzak eukazan bikoitzak

        larrosatxu bi gorriak.

 

Eragingo eutsan Santa bateri

euren begirakuneak

bere dardakaz ezin dabena

Venus ederrran umeak:

arina benetan zan artez topetan

        biotzen argal-uneak.

 

Beti ekarrezan, ioiazanean

arpegi argian kalera,

erriko zaldun gizagaisoen

biotzak lotuta atzera:

baina zeregina zan ezin iakina

        nok nona ekarren etxera.

 

Iakiteko ondo dama bakoitzak

nok eban maite, ta nok ez,

gerora ezeban kalera urteten

batera lenago legez:

baina zirealez bi biak bata lez

        ezin igarri zan artez.

 

Bietarik bat eskonduteko

egoan guztiz suturik;

baina besteak onen ganean

ezeban austen bururik;

ta senargai bila len lez io ta su

        ezeban galdu ordurik.

 

aurrekoa hurrengoa