GAZTEEN BATZARRAK

Neska-mutilak ibilten dira

gaubean isil-ostuka

eskuetarik alkar artu ta

amodioan burruka:

eztot nai, badot nai, neskiak diño bai;

noizik beinean mosuka.

Erromerian ilun-antzera

batuten dira bitzuak

zelan dabiltzan euren ezpanak

eztabe ikusten itsuak...

eztakit, badakit, ikusi dodaz nik;

ezpan gabaz barritsuak.

Gauela baten dagozanean,

oilarrak kantau-ezkero,

uda barrian txoriak legez

jente gaztea da bero:

ezta alan, bada alan, gaztea gaubelan;

atsoak iges da gero.

Estegura da lagun gazteak

eroatea zerura

gauza guztiak etorten iakez

orduan berez eskura:

eztaukat, badaukat, bakarrik egun bat;

neuk igaro ta gogorra.

Promesak dira gazteentzako

eztia legez gozoak;

gizon egiñik dabiltz mutilak,

eta andra neska zoroak...

zorotan, erotan, iazoten da askotan

mustur-ioka mutilkoak.

Santa Ageda bere egun-aurrean

da gazteen adiskidea;

gau ilunean emoten deutse

berba egiteko bidea...

ez kantau, bai kantau, ona da lukainkau,

a da gau gazte-zalea!

Aratustetan dabiltz neskatxak

eta mutilak suturik,

goiz da arratsalde beste antz bategaz

euren lotsea galdurik...

batean, bestean; zortziretartean;

eginda legez bururik.

Donian-goizez gazte zoroak,

estaldu barik izarrak,

doaz garitzan iruntza artuten

eta batuten bedarrak:

txantxetan, benetan, Donian goizetan

pozik dabiltzaz goiztarrak.

Gabon gaubean besoetati

dabiltz mutilak neskakaz

buruak bero begiak ero

eta burruka sukarraz...

atzera, ta aurrera, egunak etxera

loguraz beterik dakaz.