www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Parnasorako bidea
Eusebio Maria Azkue
1896

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Parnasorako bidea, Eusebio Maria D. Azkue (R.M. Azkueren edizioa). Astuitar Moldagintza, 1896

 

aurrekoa hurrengoa

GABON AFARI BAT

 

Gabon eguna da egun laburra

erlojuetan bakarrik;

eztot eukiten iluntzerako

belaun bietan indarrik.

        Eta bat, eta bi, eta iru, eta lau

        ardaoak moskortuten dau.

 

Neure Maria dabil goizerik

intxaur-saltsea gietan:

inor eztau nai subil-ondoan

egun guztian berbetan...

        Eta bat, eta bi...

 

Zazpi ta erdiak emoten dituz

etxeko erloju txikerrak:

iezarten gara guztiok maian

Iaunari emoten eskerrak.

        Eta bat, eta bi...

 

Zatituten dot ogi biguna,

eta lenengo kuskurra

sendotuteko da amurruturik

dagoan txakur adurra...

        Eta bat, eta bi...

 

Lenengo dator orio-azea

ondo egosi ta bigunik;

eztago zeian aza ta lora

bere iseko lagunik.

        Eta bat, eta bi...

 

Izan dogun lez Iaunari eskerrak

etxean ugari matsa,

betor txakolin pitxarkadea

ta aren urrengo lebatza...

        Eta bat, eta bi...

 

Ekazu Txomin goiko baldati

txetxu bateko edontzia;

gabon dogu gaur etxeko andrea,

eutsi lenengo zurruta.

        Eta bat, eta bi...

 

Lebatza dago gozoa baina

eztot ikusten ardaorik;

ezta euskaldunik egin deutsanik

Erriojari biraorik.

        Eta bat, eta bi...

 

Edan gazteak txolindu artean

ez itxi ardaorik basuan

gaur edozeinek itxi bear dau

garbi basua barruan.

        Eta bat, eta bi...

 

Ekazu Kontze subil-ondoti

maira makallao-saltsea;

ian sendo neure maite maiteak,

errukia da galtzea.

        Eta bat, eta bi...

 

Eztogu edaten gaur aparitan

edan maiteak ugari;

gabon gaubean egon bearda

apaldu-ezkero kantari.

        Eta bat, eta bi...

 

Jesus! Maritxu ze besigua,

orain dakazun errerik;

naiago neuke ia onezkero

maira ezpaletor besterik.

        Eta bat, eta bi...

 

Ardao gitxi gaur emen edan da

lau pitxarkada bakarrik;

eztogu egingo dantzarik gero

barruak lagundu barik.

        Eta bat, eta bi...

 

Urra Maria! Urra guztiok

au da intxaur saltsa gozoa!

urte guztian eztot nik euki

gaur baizen pozik gogoa...

        Eta bat, eta bi...

 

Ea tragu bat, bai ta bi bere

edan maitea zia lez

Balitz sarritan gabon eguna,

bein baino urtean eztalez!

        Eta bat, eta bi...

 

Betor kopea bete beterik,

kafetara botateko bat,

beste bat gero neuk edateko

kafea artuta ostekotzat.

        Eta bat, eta bi...

 

Nundik ekarri da neure eskatzera

orain bigarren argia,

eztogu bear argia geiago

lengoa baino Maria.

        Eta bat, eta bi...

 

Dantzan asi iat orain eskatza,

eztogu bear besterik

eztot ikusten, ai ze barrea!

gazteak, oera biderik.

        Eta bat, eta bi...

 

Zer da Maria? eztakit zelan

gaur aurkituten nazan ni

senar bakar bat len euki dozu

eta daukazuz orain bi.

        Eta bat, eta bi...

 

Eskatu daigun neure maiteak

oera goiazan baino len,

batu gaizala Iaungoiko Iaunak

betiko zeruan. Amen.

        Eta bi, eta iru, eta lau, eta bost

        ardaoak moskorra emon dost.

 

aurrekoa hurrengoa