www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Fableak edo Alegiak
Leonce Goietxe
1852

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Fableac edo aleguiac Lafontenetaric berechiz hartuac, Leonce Goyhetche (faksimilea). Hordago, 1978

 

aurrekoa hurrengoa

ORA BEHARRIEZ GABETUA

 

Ora bati beharriak ebaki ziotzaten,

Nahiz berari trabarik egiten ez zioten.

    Yabeak ber-berak ziotzan pikatu.

    Zer gisa ederrean nauten ni paratu!

    Lagunen artean agertzera oraintxe

          Nondik atrebi naiteke?

    Oy! animaleen errege urguillusak,

    Hobeki derradan, tyrano kruelak!

    Ezta bada izanen nor edo nor behiñ,

    Zaituztena utziko murritztuak berdiñ!

          Ordea hunen sangez,

          Eta marraska miñez,

          Zauden guti beratuak

          Motztaille kostumatuak

Azorri baziduritzon asko zuela galdu.

          Baiña gero zen ohartu.

          Haiñitz zela probetxatu.

Ezen nola zuen sortzez ardura bihurria,

Bere kider zeukatena khentzera net pendia;

          Haiñitz okasionetan

          Etxera zuken eraman

          Menbro erregretatua,

          Dilindan sakaillatua.

          Ora liskartsuak bethi

          Beharria darama eri.

 

          Gauza da den hoberena

          Ahal bezaiñ gutiena.

          Bertzer lot-bide emaitea

          Hartzen da atentzionea,

    Toki bat denean xoilki goardatzeko,

          Hura ongi defendatzeko.

          Lekhuko da azor maistroa.

Eta haren itze-puntez garnitu lepokoa.

Gaiñera, nola buruan, esku-gaiñean baiño

Ez baitzakarren prudenki, beharri gehiago,

Otsoak berak ez zuken, han biderik lotzeko.

 

aurrekoa hurrengoa