BI GOGOETA

        Nahi bazare ontsa heldu, zozoek lehen hitza atheratu artio igurik zazu bethi, azkena bere uzten duzularik emazter.

* * *

        Alferra ez da deusik egiten ez duena: oro ari baigira zerbeit.

        Alferra ez da guti ari dena: horren gatik berdin nekatua izan ditake.

        Alferra da bere hartan gogo onez bermatzen ez dena.

        Bada alfer munduan!

* * *

        Ezkontzea diru harrapatzeko bakarrik;

        Ezkontzea dirurik gabe:

        Bi astokeria.

* * *

        Nausi batzu halakoak dira non, ezagutzen ahal balituzte beren sehiak eta halaber beren burua, ahalge bailitazte beren nausigoaz.

* * *

        Mintzatzekotz, behar da:

        Zerbeit erraiteko;

        Hura erran;

        Eta gero, ixilik egon.

* * *

        Ene maite hilkorra, badakit ez zaitudalaoraiko baizik.

        Oraiko baizik etzaitudala badakialakotz zaitut ordean maite...

* * *

        Gizona hainbertzetaraino da ez-deusa non gaizkian ere baitu hein bat; handik goiti, eltzo batek bezala leher egiten du.

        Gogoeta hok, xaharrak diren bezain xorrotxak balire, eta xorrotx bezain sarkorrak, balukete zerbeit onik.