ITXAROA

                        (Itxaroa: esperantza.)

    Itxaroa, Itxaroa

Goizeko dantzari xoroa,

    Arin arin norat hoa!

Lo dauzi bazterrak oro.

Nun habil hor sorroz sorro?

    Itxaroa, begi urdin,

Beha zadan jabal nadin.

Ez egon nitarik urrun.

Ihintza urretzen baitun,

    Itxaroa, bozkaria,

    Idor nere arpegia.

    Itxaroa, Itxaroa,

Goizeko dantzari xoroa,

    Arin arin norat hoa?

Guziak dirade ilun.

Irririk gaur ez da nihun.

    Itxaroa, jauntzi luze,

    Haugi, gaiten irriz ase.

So batez, otoi! pitz nezan.

Jin gabe zoin luze hizan!

    Itxaroa, haugi dantzan

    Esperantzak argi gaitzan.

    Itxaroa, Itxaroa,

Zeruko dantzari goxoa,

    Bake zadan gogoa

6-6-39