www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Pindar eta lano
Xabier Iratzeder
1920-1941

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Biziaren olerkia, Iratzeder. Gero, 1983

 

 

aurrekoa hurrengoa

ITSASOA

 

                Itsasoa!

Zuri behatu gabe nola egon naite?

Zure boz latzarekin, otoi! mintza zaite;

Erradazu zertako zaitudan ba maite.

 

                Itsasoa!

Zertako bada pizten dautazu bihotza?

Ez ote zare zu maiz hiltzaile bat beltza?

Hezurrak itsaspean ez ote dabiltza?

 

                Itsasoa!

Zertako ur ondoan naiz ardura jarri,

Xoraturik behatuz tirainen dantzeri?

Zertako harroketan niz kantuz maiz ari?

 

                Itsasoa!

Zertako zuri beha nago xoraturik?

Amaren besoetan zu ezaguturik?

Horrek ez du ematen holako lillurik.

 

                Itsasoa!

Zerk du ba zure baitan xoratzen gogoa?

Zabal zabala zare, muga gabekoa:

Gogoratzen dautazu gure Jaun Goikoa

 

Larresoron

14-6-38

 

aurrekoa hurrengoa