www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak eta eresiak
Jose Mari Iparragirre
1839-1881, 1987

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerkiak eta eresiak, J.M. Iparragirre. Hiria, 2004

 

 

aurrekoa hurrengoa

BURNIZKO BIDEARI

 

Asmoerak dirade

gaur nazioetan

asma orduko egiten

diranak benetan:

Zeinek usteko zuen

juan dan urtean

ori pasako zala

gure Probintzian?

 

Probintziak bakarrik

bear ez dira aitatu

bada nazio guztiak

bear degu alkartu:

eta pasatua pasa

gorrotuak aztu

berdin alkar artzeko

Jaunak egin gaitu.

 

Begira adiskideak

or Frantzi aidera

mundu guztia doa

lezioak artzera:

orain bada nai nuke

eman aditzera

zergatik bear degu

gelditu atzera?

 

Viva gure España

eta asmoerak,

zeinen enbidia dute

gure lur ederrak?

Mendi eta zelaiak

zeinek ditu onenak,

ardo, gari, olioz

beterikan danak?

 

Ekin deiogun bada

burdin bideari

eta oso egin arte

eraso lanari:

astindu bat emanaz

lenbailen lurrari

eta anditasuna

gure Españari.

 

Aditzera degunez

amar urte barru

baporea asiko da

Jainkoak nai badu:

ala digute beintzat

frantsesak agindu

asiera eman da eta

alkarri lagundu.

 

Bertati asi gaitezen

Jaunari erregutzen

pakean bizi bitez

dutenak agintzen:

Ah! geiago ez balitz

gerrarikan sortzen

beti ibili gabe

bata bestea iltzen.

 

aurrekoa hurrengoa