www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak eta eresiak
Jose Mari Iparragirre
1839-1881, 1987

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerkiak eta eresiak, J.M. Iparragirre. Hiria, 2004

 

 

aurrekoa hurrengoa

AMERIKATIK
URRETXUAKO SEMIEI

 

Billarreal de Urretxu

Nere erri maitea

Seme bat emen dezu

Amorioz betea.

Nai, baña nola ikusi

Au da lan tristea

Zuretzat nai det bizi

Urretxu nerea.

 

Bi milla eta seiregun

Legua badira,

Montebideotikan

Euskal errira

Naiz esperantzetan

Etorri bagera

Aurreratasun gabe

Urtiak juan dira.

 

Bai, nere adiskideak

Bear da pensatu

Zuretzat Amerikak

Nola dan mudatu

Iñork emen eziñ du

Lanikan billatu

Oraiñ datorrenari

Bear zaio damutu.

 

Gañera izan degu

Emen ere gerra

Gure zori onean

Pakea egiñ da;

Bañan gerra ondoren

Dakar diktadura

On Lorenzo Latorre

Nagusi degula.

 

Ez, bada, ez etorri

Gaur lur onetara

Il edo bizi obe da

Juatea Habanara;

Au da gure bandera

Españaren onra

Txurrukaren semeak

Ara juango gera.

 

Agur adiskideak

Ikusi artean

Zuenganatuko naiz

Egunen batean.

Esperantzakin bizi

Nai det bitartean

Gero ezurrak utzi

Nere lur maitean.

 

aurrekoa hurrengoa