MAIRUEN BANDERA

Nafarrak On Garcia

Errege zutela

Odolez estali zan

Bai Balde-Junkera.

Afrikanoak orruz...

Legoiak bezela

Zioten kristau bizirik

Utzi bear ez zala.

Baña Euskaldunak

Laurak-Bat aurrera!

Zioten: Fedeagatik

Danok ilko gera;

Jo!... jo eta ez eman

Pauso bat atzera...

Gurea izan arte

Mairuen bandera.

Mutillak ... ara non dan

Illargi erdia,

Arrapatu dezagun

Naiz galdu bizia:

Emen degu bandera

Upa Euskal-erria!

Eta Anzuolarentzat

Onra ta gloria.

San Juan Uzarragako

Seme txit argiak

Ziran Balde-Junkeran

Irabaz larriak;

Batzar etxean dauden

Illargi erdiak

Dira Anzuolarentzat

Txit onrragarriak.

Esan adiskideak

Orduan bezela

Nafarrakin gaur ere

Anaiak gerala;

Bat da gure izarra

Bat gure bandera

Esan beti Laurak-bat

Izan nai degula.

Eskribitze mesede

egiten banauzu

Gabiriara karta

bidal bear duzu.

An baserri batean

beti triste nauzu

buruan ditudala

mila pentsamendu.

                        1878 garren urtean