www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Olerkiak eta eresiak
Jose Mari Iparragirre
1839-1881, 1987

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Olerkiak eta eresiak, J.M. Iparragirre. Hiria, 2004

 

 

aurrekoa hurrengoa

BELTZERENA

 

Beltzerena naizela

kalean diote,

ez naiz zuri ederra,

arrazoia dute;

eder zuri galantak

pausuan amabi,

beltzerenak graziosak

milaetatik bi.

 

Beltzerena naizela

zuk neri esateko,

lenago zan denbora

erreparatzeko;

beltzak eta zuriak

mendian ardiak;

zuk ere ez dituzu

bentaja guztiak.

 

Beltzerana graziosa

parerik gabea,

mundu guztiak dio

zerala nerea;

munduak jakin eta

zuk ez jakitea,

ondo egiten dezu

disimulatzea.

 

Sarritan amodioz

dizut begiratzen,

arreta guztiakin

errespetatutzen;

begiak beltzez beltzak

itz ori donoso...

ez det mutilik bear

orren amoroso.

 

aurrekoa hurrengoa