OROITZA

        (1879)

Elizondoko uri

Eder politean

Euskalduna ugari

Bildu da pakian,

Esanez batu gara

Bai zori onean

Gorrotorik gaur ezta

Gure batzarrean.

Nafarren elkargoa

Burutzat degula

Zer zori onekoak

Maitatzen bagera,

Euskaldun on guztiak

Zerura begira

Ezan euskalerria

Salbatu dedilla,

Mundu berrian ere

Gaur euskaldun onak

Nai gabetuak daude

Biotza dutenak

Galtzen gure euskera

Onra eta oiturak

Arren ez galdu doaiak!

Jainkoak emanak.

Nafarren bide onak

Gaur laurak batean

Da artu bear dana

Errien onean,

Euskaldun on guztiak

Betiko pakean

Eztegu nai gudarik

Anayen artean.