ARITZARI TA EUSKALDUNERI

        (Amalauduna)

Otztasun andi bat zure inguruan,

Arbola maitia, ikusten dogu;

zugaz aztu dira euskaldun semiak

ta bizitasunak dira amaitu.

Ezta orri barririk zure adarretan,

adarrak guztiak yatzuz igartu;

Geiyago eztaukazu zuk udabarririk,

galdu zara dana, betiko galdu.

Eta egur igarrak sutarako dira,

goruetarako legez atsua;

igartua bada Gernikan arbola,

beragaz ein daigun danontzat sua:

eta euskal-semiak suaren onduan

egin daigun ondo atso-gorua.

                        Euskal Erria 22 (1890) 376;

                        Ondarrak, 110-111.