www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



O.ten gaztaroa neurtitzetan
Arnaud Oihenart
1657

      [liburua osorik RTF formatuan]
      [inprimitzeko bertsioa PDFn]
      [faksimilea]
      [Literaturaren Zubitegia]

 

Bertsio informatiko honen egileak: Iolanda Beristain, Maitane Amorena eta Iker Zaldua

 

aurrekoa hurrengoa

IX
Xuria daritzanari

 

Berritzen ar'iz, XURIA,

Nitan, egun guziez,

Noizten begiez

Egin erautan zauria;

Et'ene bihotz gaxoak

Higanik, maita-sari,

Herskailu ordari,

Zitin tragasa-xiloak.

 

Beti, joz-joz, daritzana,

Inkudeak bezala,

Diraukedala?

Ez ez, ahal aint'engana,

Eztun alzeiru, ez burdina,

Ez-eta berun hotza,

Ene bihotza

Ban'aragiz dun egina.

 

Hiltzen nun itzurbiderik

Ez deus salba nezanik

Eztun, higanik

Ahal nukeenaz berzerik;

Hobe duken ainik ere,

Honki egite', engoiti,

Ezi ez jagoiti:

Hel akit', berant bad'ere.

 

Zerbait eur'oontarzuneti,

Bihotz hunen pitzgarri,

Emadan sarri,

Begiratzeko hiltzeti:

Ezpadidan, lur orotan,

Zeren hik hil banuken,

Aipatu duken

Hir'izen', izen gaixtotan;

 

Sendotzen banun, ainziti,

Zeren nuken idoki

Halaz osoki,

Sartzeraz geroz, hobiti,

Hire sendagailu hunen

Berria herri orori,

Berri hon hori,

Dinat goraki eranzunen.

 

aurrekoa hurrengoa