www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu Kristoren lau ebanjelioak batera alkarturik
Pedro Antonio Aņibarro
c. 1804-1821, 1991

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu Christoren lau evangelioac batera alcarturic, Pedro Antonio Añibarro (M. Pilar Ciarrustaren edizioa). Labayru / BBK, 1991.

 

 

aurrekoa hurrengoa

34. IRAKURTZA

 

Jesusek alabetan dau San Juan Bautista.
Erakusten dau ez berari, ez San Juani
sinistea emoten ezteutsanen itsutasuna.

 

BATERA San Mateok cap. 11. v. 7-19.
San Lukasek cap. 7. v. 24-35.

 

        Eta Juanen mandatariak joan ezkero, Jesus asi zan Juan gaiti jenteari esaten: Zer ikustera urten dozue ermura? kañabera axeak darabillana?

        Baña zer ikustera urten dozue? soñeko bigunez janzirik dagoan gizonen bat? Egiaz soñeko preziatuaz janzirik, ta atsegiñetan bizi dirianak, Erregen etxeetan dagoz.

        Zer bada ikustera urten dozue? Profeta bat? Bada dirautsuet; bai ta Profeta baño geiagoa.

        Bada au da, zeñegaiti dagoan eskribidurik: Aramen non nik nire arpegiaren aurrean neure Angerua biralduten dodan, zure aurrean zure bidea prestauko dabena.

        Benetan dirautsuet: andretarik jaio dirianetarik Juan Bautista baño andiagorik jagi ezta: Baña Jangoikoaren Erreinuan txikiagoa dana, bera baño andiago da.

        Eta Juan Bautistaren egunetatik oraingiño Zeruetako Erreinuak indarra sufrietan dau, ta indarra egiten dabenak irabazten dabe.

        Zerren tze Profeta guztiak, ta legeak Juan giño etorkizuna asmau eben.

        Eta artu gura badozue, bera da etorriko dan Elias.

        Enzun begi, enzuteko belarriak dituanak.

        Eta Erri guztiak, ta enzun eutsen Bekatariagiriak Jangoikoari gloria emon eutsen; Juanen bateoaz bateatuak izan zirianak.

        Baña Fariseoak, ta legeko Letradunak despreziatu eben Jangoikoaren konsejua euren kalterako; beraganik bateaturik ez egozanak.

        Eta Jaunak esan eban: Bada nor dirudiela, ta noren antzekoak diriala, esango dot, kasta onetako gizonak?

        Dirudie arako merkatuan jarririk dagozan mutilak, euren artean berbaz, diñoela: soñutu deutsuge flautakaz, ta danzatu eztozue: kanta tristeak esan deutsuegez, ta negarrik egin eztozue.

        Bada etorri zan Juan Bautista, ogirik jaten ez ebana, ardaorik edaten ez ebana; ta esaten zenduen: deabrua eukala.

        Etorri zan gizonaren Semea, jan, ta edaten ebana, ta diñozue: aramen gizon jatun bat, ta ardao-edale bat, Lukurari, ta bekatarien adiskide bat.

        Eta jakituria justutu da bere seme guztiak gaiti.

 

aurrekoa hurrengoa