www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Jesu Kristoren lau ebanjelioak batera alkarturik
Pedro Antonio Aņibarro
c. 1804-1821, 1991

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Jesu Christoren lau evangelioac batera alcarturic, Pedro Antonio Añibarro (M. Pilar Ciarrustaren edizioa). Labayru / BBK, 1991.

 

 

aurrekoa hurrengoa

10. IRAKURTZA

 

Deitu eutsen Jesusi Kana Galileako Ezteguetara,
non ura biurtu eban ardaotan.

 

San Juanek cap. 2. v. 1-11.

 

        Eta andik iru egun izan zirian eztegu batzuk Kana Galileakoan, ta an egoan Jesusen Ama.

        Eta Jesusi bere deitu eutsen, ta bere diszipuluai ezteguetara.

        Eta faltaurik ardaoa, Amak dirautso Jesusi: ardaorik eztauke.

        Eta Jesusek dirautso: Andrea, zer joaku zuri ta niri? oraindo nire ordua eldu ezta.

        Bere Amak esan eutsen serbitzariai: egizue berak dirautsuen guztia.

        Eta an egozan sei arrizko ontzi, Judeguen garbitzearen erara, ta bakotxak bi edo iru kantaru artuten zituan.

        Jesusek esan eutsen: ontziok urez bete egizuez.

        Eta goi giño bete zituezan.

        Eta Jesusek esan eutsen: atera egizue orain, ta eroan egiozue Mai-buruari. Eta eroan eutsen.

        Eta gustau ebanean maiko Buru nagusiak ura ardaoan biurtua, ta ez ekian nongoa zan, baña serbitzariak baekien, zerren uretik atera eben: Mai-puruak dei egin eutsan Esposoari.

        Eta esan eutsan: gizon guztiak lenengoan ifinten dabe ardao ona: gero barriz ondo edan dabenean, orduan emoten dabe adin ona eztana: baña zuk ardaorik onena oraingo gorde dozu.

        Au zan Jesusek egin eban lenengo milagroa Kana Galileakoan.

 

aurrekoa hurrengoa