www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ipuinak
Agustin Paskual Iturriaga
1842

      [liburua osorik RTF formatuan]
      [inprimitzeko bertsioa PDFn]
      [Literaturaren Zubitegia]

 

Iturria: Ipuinak, Agustin Iturriaga (Antonio Zavalaren edizioa). Auspoa, 1967

 

aurrekoa hurrengoa

MENDIA AURGITEN

 

Turmoiak ortik, tximist emendik

ikusirika, jendea

egun batean bide zegoan

arras beldurrez betea,

eta, egiaz, posible etzan

sosegurik izatea.

 

«Dudarik gabe —esaten zuten—

juizioko eguna

da aditzera tormenta onek

guri ematen diguna,

bear bezela prestatutzeko

egin zagun al deguna».

 

Onetan norbait badator eta

orra nun duen esaten

txit urrutian mendi andi bat

omen dagoala aurgiten,

onetarako deadar aiek

dituela ark egiten.

 

Ikara utzi alde bat eta

jendea dago ixilik,

zer gauza andik bear ote duen

atera aren barrendik,

zergatik gauza txikirik ezin

diteke irten menditik.

 

Badator norbait berri andia

jendeari ematera:

dala mendiaren sabeletika

sagu txiki bat atera;

au aditu ta jende guztia

juan zan algaraz etxera.

 

Onela gerta oi da, kristabak,

maiz urrutiko gauzakin,

argatika guk bizi beagu

gure errepain zarrakin,

geldi ez gaitezen, asko bezela,

gero txalma andi batekin.

 

Urrutitika egiñagatik

intxaurrak soñu andiak,

alderatuta izan oi dira

askotan intxaur txikiak;

egia andi au erakutsitzen

digu esperientziak.

 

aurrekoa hurrengoa