SUGEA ETA NEKAZARIA

Gizon bat zijoan bein

zelaitik etxera,

goiz guztian lan egin

eta bazkaltzera.

Ikusten du bidean

etziñik sugea,

otzak erdi illika,

korderik gabea;

kupiturik sartzen du

gaisoak kolkoan,

ango beroarekin

pizteko asmoan.

Etxera joan zaneko,

sugea asi zan

kolkotika kanpora

atera nairikan.

Kanpora botatzeko

gizonak artzen du,

eta suge gaiztoak

ortzka pozoitzen du.

Orra esker ederrak!

Zitalen eskutik

ez du izango iñork

beñere gauz onik.

Illabete baño len

suge ura bera,

otzak ikaraturik,

dator sukaldera.

Ojuka asten dira

etxeko guztiak,

jarraitutzen diote

morroi-nagusiak;

sartzen da ukulluan,

badabiltza billa,

arkitzen dute eta

uzten dute illa.

Zitalkeriak ez du

beñere gauz onik,

eta iñork ez du nai

ikusi zitalik.