XII. GARREN KAPITULUA

Nola munduko gaitzetan
pazient behar den izan,
eta gudukatu konkupiszenziaren kontra

ARIMAK

        Ene Iaun eta ene Iainkoa ezagutzen dut pazienzia hagitz nezesario dudala, zeren eta hainitz gauza nahi estudan bezalako arribatzen baitzait.

        Nik egiñ ahala bakea izateagatik egiñ arren, ene bizia bethiere gerla eta doloretan izaren da.

JESU KRISTOK

        Ene semea, edo allaba zuk diozuna egia da, baiñan estut nahi tentazione eta aflikzionerik gabe izatean eman dezazun zure bakea.

        Baiñan duzun uste, hainitx tentazione eta kontrarietates exerzatu eta frogatua zarenean, orduan bakea kausitu duzula.

        Erraten baduzu harenbertze ezin sofri dezakezula, nola Purgaroriotako khar eta suak egiñen ditutzu?

        Bi gaitzetarik bethiere mendreena hautatu behar omen da.

        Gaitz sekulakoei ihes egiteko, bizitze huntakoak Iainkoari plazer egiteko bihotz ones sofri zatzu.

        Uste duzu munduko jendeek estutela guti edo hainitz pena?

        Plazeretan beretan direnak estire hetas etsant.

        Menturas erraren darotazu bertze alde batetik badutela haiñitz dibertimendu, eta bere inklinazione eta nahiak satisfatzen ditustela, eta hala hekien penak dulzatuak direla.

        Baiñan hori hala balis ere, imajinazionesko dohatsutasun horrek zenbat iraun ahal dezake?

        Ikhusiko duku munduko handiek men men bates, kheak bezala, saltatuko dutela eta plazer iraganes estutela orhoitsapenik izaren.

        Bizi diren denboran ere eskituste gustatzen garratstasun, nekhadura eta beldurtasunekiñ baizen, eta mais, zerk ere egiñ baitu hekien boskarioa, hark berak kausitzen du hekien dolorea.

        Manera huntan ene justiziak punitzen ditu, arrazoiñ denas geros berek bere garratstasun eta konfusionea, ene ordena eta borondatearen kontra bilhatzen duten plazerean berean, kausi dezaten.

        Zer da hekien plazerak baiño laburrago, falsoago, eta ahalkagarriagorik?

        Baiñan itsutasun eta horditasunak, zeiñetan baitire, estiote permetitzen zer diren konprenditzea, eta arrazoiñik gabeko bestiak bezala, bere pasioneak segitzen ditustela, bere arimen heriotze eternalaren kaltetan haiñ plazer laburrak erosten dituste.

        Zato beras, ene semea, edo allaba es behiñ ere zure pasioneak segi, eta erregelatuak estiren nahiei ukha diokozute.

        Emazu Iauna baithan zure boskarioa, eta zure bihotzeko botu eta galdetzeak konplituko ditu.

        Nahi baduzu izan boskario egiaskoa, eta abondanzia handirekien ene Iainkosko konsolazioneak gustatu; munduko gauza guziak mespreza zatzu, abandona hemengo plazer flakoak, eta zureganat ene benedikzioneak isuriko ditut, zure arima ezin etsplika deiteken dulzetasunes betheko.

        Zenbatenas kreaturetan satisfa ahal zaitzaketen gauzetarik separatzen baitzare, hanbatenas ene baithan boskario puxantagoak kausituko ditutzu.

        Egia da berehala gudu, pena eta tristeziarik gabe hautan eziñ sart zaiteske.

        Zure kostuma gaistoa oposatuko da, baiñan hobeagoas benzutua izaren da.

        Haragiak sentiaraziko daroskitzu bere erreboltak baiñan ispirituaren kharras bridatua izaren da.

        Suge zaharra bere malezia eta biolenzia guziarekiñ zure kontra armatuko da, baiñan zure othoitzek ihesi egorriko dute, eta trabailu progotxuskoaren kontinuazioneak zure bihotzeko atherik prinzipalenak zarratuko diotza.