OINTXOAK

                Gabriela Mistralen

                itzak euskeratuak.

Oi, aurtxuon oin txikiok,

otzaren otzak ain more;

Nola zauzkate orren gorririk,

izanikan Jainko lore?

Oi, aurtxuon oin txikiok,

arri zorrotzetan miñez!

Ain ondatuak elur zapaldu

eta lokatza zikiñez.

Gizon itxuak ez daki

zuen ointxoak jo-ala,

nolatan lurra argizko lorez

apaintzen dan bereala;

ta nola zuen oinpeak

zapaltzen duan tokian,

usaitsuago zabaldu oi dan

akara udaberrian.

Bide zuzenetan zear

zoazten ezkero, izan

kemen aundiko gizon azkarrak,

bikaiñak zeraten gisan.

Oi, aurtxuon oin txikiok,

bi arri bitxi minduak!

Nola dijoaz zuek ikusi

gabe bidez jende itxuak?