IRU ALABA

        Rumba-aidea.

Iru alaba ditut; iru:

Maribel, Maribi, ta Marilu.

Iru alaba, txiruliru:

obe nuan etxe-bete diru. (bis)

Ai, Peru!

Alabak ez dira aingeru.

Ai, Peru!

Mutillak dituzte inguru.

Ai, Peru!

Laster naiz, txiruliruliru,

ez alaba ta ez diru.

Maribel ziaro itxutu da

senargai begi-bakar batekin.

Maribik naikoa lan badu,

artu dun gizon pardelarekin.

Marilu aseko da ongi,

bere senarraren jipoiekin.

Orra nere iru alaba,

bakoitza bere gurutzarekin.

Ai, Peru!

Alabak etziran aingeru.

Ai, Peru!

Ezkontza ez da beti zeru.

Ai, Peru!

Orra nola gelditu naizen,

ez alaba ta ez diru.

        BUKAERAN

Maribel, Maribi, Marilu,

        Peru!