SUA TA TXIMELETA

Egan dabil tximeleta,

ziru-zira;

su-mingain bati

begira.

Aizeak txiru-liru

gar argira.

Kontu, tximeletatxo,

jira-bira!

Zer zenduke egatxoak

erreko balira?

Itxu dabil tximeleta,

ziru-zira;

su gorriak jo dio

begira.

Bein da berriz, txoraxka,

gar argira

joanaz, ega ariñak

jira-bira,

su-mingain gorri artan

galdu dira.

Ikusi ta ikutu,

ikusi ta txoratu;

amaika gizon

jolas orretan

munduan dira

ondatu.