www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

HAMASEIGARREN KAPITULUA

 

Israeltarrak Singo desertura ethorri eta

ogirik ez aurkhitu izanez murmuratzen dire berriz.

7 Horren gañean Moisek erakusten du

hekien murmuratzeak Iainkoaren kontra dohazela propiki,

eta ez haren zerbitzarien kontra.

13 Iainkoak ematen diotza Israeleko pobluari kaillak,

14 eta ondoan gero mana,

16 deklaratzen diotela haren biltzeko traza,

33 eta manatzen diotela guarda dezatela

neurri bat señaletzat:

35 Israeltarrek iaten dute mana berrogei egunez.

 

        1. Gero Israeleko haurren bilduma guzia Elimetik partitu eta, ethorri zen Singo desertura, zeña baita Elim eta Sinairen artean bigarren illhabetheko hamabortzgarren egunean Ejiptuko herritikan ilkhi izatu ziren ondoan.

        2. Israeleko haurren bilduma guzia murmuratu zen desertu hartan Moisen eta Aaronen kontra.

        3. Eta Israeleko haurrek erran zioten, oxala bada hill izan bagiñe Eternalaren eskuz Ejiptuko herrian, iarririkan giñaudezen orduan haragi eltzeen ondoan, iaten ginduen orduan gure asea ogi! Ezen erakharri gaitutzue desertu huntara, hillarazitzeko gosez kongregazione hau guzia.

        4. Orduan Eternalak erran zioen Moisi, horra, banihoak zuei uria eragitera zeruetarikan ogiz, eta poblua ilkhiko duk, eta bilduko dik egun guziez egun batetako probisionea, froga dezadantzat ea ibilliko den ene legean edo ez.

        5. Bañan seigarren egunean presta bezate ekharri izango dutena, eta hori izan bedi egunetik egunera bilduko dutenaren doblea.

        6. Moisek beraz eta Aaronek erran zioten Israeleko haur guziei, arratsa ethorri eta iakiñen duzue Eternalak atheratu zaituztela Ejiptuko herritikan.

        7. Eta goiza ethorri ondoan ikhusiko duzue Eternalaren gloria: zeren eta aditu baititu zuen murmurazioneak Eternalaren kontra. Eta egiazki zer gare gu, murmura zaitezten zuek gure kontra?

        8. Oraño gehiago Moisek erran zuen, hori izanen duk Eternalak eman izanen darotzuen orduan arratsean haragia iatera, eta goizean zuen asea ogi: zeren eta aditu baitik zuen murmurazione haren kontra murmuratu zaretenak. Ezen zer gare gu? zuen murmurazioneeak eztire gure kontra bañan Eternalaren kontra.

        9. Eta Moisek erran zioen Aaroni, errok Israeleko haurren bilduma guziari, hurbil zaitezte Eternalaren presentziara, ezen aditu tik zuen murmurazioneak.

        10. Gerthatu zen bada Aaron mintzatu zitzaion bezain sarri Israeleko haurren bilduma guziari, begiratu izan zuten desertu aldera, eta horra, Eternalaren gloria agertu zen hedoiean,

        11. eta Eternala mintzatu zitzaion Moisi ziotsala,

        12. entzun tiat Israeleko haurren murmurazioneak: mintza akiote hei, dioala, bi bezperen artean ianen duzue haragi, eta goizean aseko zarete ogiz eta iakiñen duzue ni naizela zuen Iainko Eternala.

        13. Ethorri zen orduan arratsaren gañera igan izan ziren kaillak, zeñek estali baitzuten armada lekhua, gero goizean izatu zen ihintz bat barraiatua armada lekhuaren inguruan.

        14. Eta ihintz hala barraiaturikakoa urmariatu eta horra desertuaren gañeko aldean gauza xume biribill mehar bat, bihia bezala lurraren gañean.

        15. Hori ikhusi eta Israeleko haurrek erran zioten batak bertzeari, hori duk man: ezen etzeakiten zertzen hori. Eta Moisek erran zioten, hori duk ogi Eternalak iateko eman darotzuena.

        16. Hori duk Eternalak manatu duena biltzazue batbederak hartarik bere iatekotzat behar duen bezanbat, erran nahi da, Homer neurri bat bakhotxak, zuen presunen nonbrearen arabera: batbederak hartuko dik hartarik bere hedetxean dituenentzat.

        17. Horrela beraz egiñ izan zuten Israeleko haurrek: eta batzuek bildu zuten gehiago hartarik, bertzeek gutiago.

        18. Gero neurtzen zuten Homer neurriz, eta hauñitz bildu izan zuenak etzuen behar etzuen baño gehiago eta guti bildu zuenak, etzuen gutiago bañan batbederak biltzen zuen ian ahal zezakeen arabera.

        19. Eta Moisek erran zioten, nihork ez beza utz goitirik hartarikan goiz artean.

        20. Izatu ziren Moise obeditu etzutenak: ezen batzuek goititu zuten goiz artean: eta harrak egin zitzaizkon, eta usaindu zen: horrengatikan Moise hagitz hasarratu izantzen hekien kontra.

        21. Horrela biltzen zuten goiz guziez batbederak iatekotzat behar zuen arabera: eta iguzkia ethortzen orduan bero izatera, urtzentzen.

        22. Eta ethorri zen orduan seigarren egunerat, bildu zuten ogia doblean, erran nahi da, bi Homer neurri bakhotxarentzat. Beraz bildumako buruzagiak ethorri ziren hori Moisi erratera.

        23. Zeñek ihardetsi baitzioten, hori duk Eternalak erran duena, bihar duk errepausua, Sabbat saindua Eternalari: erretzeko duzuena, errearaz zazue: eta egosteko duzuena, egosaraz zazue: eta goitituko den guzia, herts zazue begiratzeko goiz artean.

        24. Herstu zuten beraz goiz artean, Moisek manatu zuen bezala eta etzen usaindu, eta etzen izatu harrik hartan barna.

        25. Orduan Moisek erran zuen ian zazue hori gaur: ezen gaur duk Eternalaren sosegua. Gaur eztuzue aurkhituko hartarik larrean.

        26. Sei egunez bilduko duzue: bañan zazpigarrena duk sosegua hortan eztuk izango hartarik.

        27. Gerthatu zen bada zazpigarren egunean poblutikako batzuek ilkhi izan zirela haren biltzera; bañan etzuten aurkhitu.

        28. Orduan Eternalak erran zioen Moisi, noiz arteraño errefusatuko tutzue begiratzera ene manamenduak eta ene legeak?

        29. Ikhusazue Eternalak ordenatu darotzuela sosegua: eta horrengatik ematen darotzue seigarren egunean bi egunetako ogia: egon zaitezte batbedera bere lekhuan: nihor ere ez bedi ilkhi bere lekhutik zazpigarren egunean.

        30. Poblua bada sosegatu zen zazpigarren egunean.

        31. Eta Israeleko etxeak deithu zuen haren izena, man: zeña baitzen, koriandra hazia bezala, eta xuria, eta haren guztua [...]

        32. Eta Moisek erran zuen, horra, Eternalak manatu dik, bethe bezate hartarik Homer neurri bat hura begiratzeko zuen adiñetan ikhus dezatentzat desertuan ianarazi darotzuedan ogia, Ejiptuko herritikan erretiratu izan zintuztedan ondoan.

        33. Moisek beraz erran zioen Aaroni, hartzak pegar bat, eta han emak Homer neurri bat manaz betherik, eta ezar zak Eternalaren aitziñean, begiratua izateko zuen adiñetan.

        34. Iaunak Moisi manatu zioen bezala, Aaronek ere phausatu zuen hura lekhuko aitziñean begiratua izateko.

        35. Eta Israeleko haurrek ian zuten mana berrogoi urthez, herri habitaturat ethorri izatu ziren artean: ian zuten, diot, mana, ethorri izatu ziren artean Kanaan herriko bazterretara.

        36. Homer bat bada Epha baten hamargarren partea da.

 

aurrekoa hurrengoa