HAMABORTZGARREN KAPITULUA

Iainkoak erreberritzen dio Abrani
ondore haundi baten promesa.
6 Hori siñhetsi eta iustifikatua da.
7 Iaunak alientzia egiten du horrekiñ
konfirmatzen duela kanpotikako señaleez,
13 eta prometatzen duela emanen dioela
horren ondoreari Kanaango herria
laur ehun urtheren buruan.

        1. Gauza horion ondoan Eternalaren hitza adrezatu zitzaion Abrani bisionean ametsetan erraten zuela, Abram, ez adillala beldur, hire harroña eta hire golardo haundia nauk ni.

        2. Abranek ihardetsi izan zuen, Iaun Eternala, zer emanen darotak? Haur kastarik gabe niabillak: eta ene etxeko gobernua duena Dammesek Eliheser hau duk.

        3. Abranek erran zuen oraño, horra, eztarotak eman ondokorik, haurrik eta horra, ene etxean sorthurikako muthilla izanen duk ene primu.

        4. Eta horra Eternalaren hitza adrezatua izan zitzaion, erraten zuela, hori eztuk hire primu izanen: bañan hire erraietarik ilkhiko dena izanen duk hire primu.

        5. Gero hura kanpora eraman izan zuen, eta erran izan zioen, begira zak orai zeruetara eta kondatzak izarrak, konda ahal badetzak, horrela izango duk hire ondorea.

        6. Eta Abranek siñhetsi zuen Eternala eta hori iustiziatzat iduki izan zioen.

        7. Gero erran zioen, Eternala nauk ni, kaldearren urtik ilkhiarazi audana, hiri emateko herri hau posedi dezaantzat.

        8. Eta erran zuen, Iaun Eternala, zertan ezagutuko dut hura posedituko dudala.

        9. Eta ihardetsi zioen, har diezadak hirur urthetako bildots bat eta hirur urthetako ahuntz bat, eta hirur urthetako xikhiro bat, eta usotortoil bat eta uso bat.

        10. Hartu zituen bada gauza horiok guziak, eta erditik egin zituen, eta eman zuen erdi bakhotxa bata bertzearen aitziñaz aitziñ: bañan etzituen xoriak erditik egiñ.

        11. Orduan iautsi izan zen xori tropela bat gorphutz hekien gañera eta Abranek haizatu zituen.

        11. Eta gerthatu izan zen, nola iguzkia estaltzen baitzen, lo haundi bat erori zela Abranen gañera, eta horra illhuntasun haundi izialdura bat erori zen haren gañera.

        13. Eta Eternalak erran zioen Abrani, iakin zak egiaz hire ondorea egonen dela arrotz bezala haren ezten herrian: eta zerbitzatuko dituztela lekhuko iendeak, eta aflijitua izanen dela laur ehun urthez.

        14. Bañan iuiatuko ere diat nik nazio hek zerbitzatuko dutena: eta ondoan gero ilkhiko dituk ontasun haundiekiñ.

        15. Eta hi goanen aiz hire aitengana bakean, eta ehortzia izango aiz zahartasun onean.

        16. Laurgarren arrazan bihurtuko tuk hunat. Ezen Amorheen hobena eztuk oraño akhabatu.

        17. Gerthatu ere zen, iguzkia estali eta, izatu zela illhuntasun bat osoki beltza: eta horra labe bat khea egiten duena, eta su illhiti bat zeña iragan baitzen erditik egiñ izatu ziren gauza hekien artetikan.

        18. Egun hartan Eternalak tratatu zuen alientzia Abranekiñ, erraten zuela, eman zioat herri hori hire ondoreari, Ejiptuko ibaiatik ibaia haundiraño, erran nahi da, Eufrateko ibaia,

        19. keniarrak, keniziarrak, kadmoniarrak,

        20. hetiarrak, fereziarrak, refearrak,

        21. amorhearrak, kananearrak, girgasziarrak eta iebusiarrak.