www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

HAMABORTZGARREN KAPITULUA

 

Moisen kantika, hark eta Israelen haurrek Iaunari

kantatua, hari eskerrak emateko bere librantzaz.

20 Moisen arrebak eta bertze emazteek ihardesten diote

kantika hari berari kharra harturik bezala.

22 Israelen haurrak, ez edirenez urik hirur egunez,

eta Marako urak gaitz aurkhitu izanez

murmuratzen dire Moisen kontra,

25 zeñek eztitzen baititu Marako urak,

hekien barnera aurthikirik

Iainkoak erakusten dioen zur batetarikan.

 

        1. Orduan Moisek eta Israelen haurrek kantatu zioten kantika hau Eternalari, eta iarri ziren erraten,: kantatuko zioat Eternalari; ezen gora altxatua izatu duk: Aurthiki tik itsasorat zamaria eta haren zamalduna.

        2. Eternala duk ene indarra eta laudorioa eta izatu ziaitak Salbatzaille. Hori duk ene Iainko borthitza, egingo zioat etxe eder bat, hori duk ene aitaren Iainkoa, hori gora altxatuko diat.

        3. Eternala duk gerlari baient bat, hazen izena duk Eternala.

        4. Etxatu tik Faraonen karretak itsasorat, eta haren armada haren kapitaiñ hautuzkoak ondoratu tuk Itsas Gorrian.

        5. Pulunbioek estali tiztek, iautsi tuk ondorat harri bat bezala.

        6. Hire eskuña, o Eternala, hagitz haundi agertu izan duk indarrean: hire eskuñak, o Eternala, lehertu dik etsaia.

        7. Desegiñ izatu tuk hire haltotasun haundiaz hire kontra altxatzen zirenak, utzi izatu duk hire kolera, zeñak kontsumitu izan baititu lastoa bezala.

        8. Hire sudurretako xiztuaz urak multzokatu izan dituk: kurri urak gelditu tituk multzo bat bezala, ur pulunbioak hormatu izan dituk itsasoaren bihotzean.

        9. Etsaiak erraten zian, iarraikiko niaitzaiok, atzemanen diat, errepartituko diat pillaia ene arima sasiatuko duk: billuziko diat neure ezpata, ene eskuak desegiñen tik.

        10. Haize egiñ izan duk hire haizeaz, itsasoak estali tik: ondoratu izan tuk beruna bezala ur haundietan.

        11. Nor da hi bezalakorik borthitzen artean, o Eternala? nor da hi bezalakorik, agerturikakorik haundi saindutasunean, ohoratu behar dutenik laudoriotan, egiten dituenik gauza miragurriak?

        12. Hedatu izan duk hire eskuña, lurrak iretsi tik.

        13. Gidatu izan duk hire graziaz erreskatatu duan poblu hau, gidatu izan duk hire indarraz hire saindutasunaren etxe ederrerat.

        14. Pobluek entzun ditek hori, eta ikharatu tuk doloreak sesitu tik Palestinako habitantak.

        15. Orduan galduko tuk Edomgo Printzeak, eta ikharak sesituko tik Moabko borthitzak: Kanaango habitant guziak urthuko dituk.

        16. Beldurra eta lastima eroriko tuk hekien gañera: hire besoaren haunditasunaz tonto egingo dituk harri bat bezala, hire poblua, o Eternala, iragan dadiñ artean: poblu irabazi izan duan hau iragan dadiñ artean.

        17. Sarraraziko dituk, eta landatuko hire primuontasun mendian, hire egoitzatzat prestatu izan duan lekhuan, o Eternala; hire eskuek ezarri duten sanktuarioan, o Iauna.

        18. Eternalak erregiñatuko dik sekula guzikotz eta bethierekotz.

        19. Ezen Faraonen zamaria sarthu duk bere karreta eta zamaldunekiñ itsasoan barna, eta Eternalak erakharri tik hekien gañera Itsasoko urak: bañan Israelen haurrak goan dituk idor itsasoaren erditik.

        20. Eta Maria Profeta, Aaronen arrebak, hartu zuen thanburin bat bere eskuan: eta emazte guziak ilkhi ziren haren ondotik thanburiñekiñ eta xirolekiñ.

        21. Eta Mariak ihardesten zioten, kanta diazozue Eternalari, ezen gora altxatu duk, aurthiki tik itsasorat zamaria eta haren zamalduna.

        22. Gero Moisek partiarazi zituen israeltarrak itsas gorritikan: eta tiratu zuten Szur desertu aldera: eta hirur egunez desertuan ibilli ondoan, etzuten aurkhitzen urik.

        23. Handik ethorri ziren Mararat, eta eziñ edan zezaketen Marako uretarik, zeren eta khiratsa baitzuten: horrengatik haren izena izatu zen deithua Mara.

        24. Orduan Poblua murmuratu zen Moisen kontra, ziotsala, zer edango dugu?

        25. Hargatik Moisek oihu egin zioen Eternalari: eta Eternalak erakutsi zioen zura zeña aurthiki baitzuen uretara: eta urak egin ziren ezti. Han proposatu zioen ordenantza eta iuiamendua, eta han ere frogatu izen zuen.

        26. Eta erran zuen, entzuten baldin baduk atentzionerekiñ hire Iainko Eternalaren boza, eta egiten zuzen dena haren aitziñean eta hedatzen badiotek beharria haren manamenduei, eta begiratzen baituk haren ordenantza guziak, eztiat ezarriko hire gañean infirmitaterik batere, Ejiptuan ezarri ditudan bezalakorik: ezen ni nauk Eternala hi sendatzen auena.

        27. Gero ethorri ziren Elimerat, non baitziren hamabi ur ithurri, eta hirur hogoi eta hamar palmondo: eta han gelditu izan ziren uren ondoan.

 

aurrekoa hurrengoa