www.armiarma.eus
idazleak eta idazlanak Herri literatura TESTUAK Corpus arakatzailea Klasikoen Gordailuari buruz



Ethorkia eta Ilkhitzea
Pierre Urte
c. 1700; 1894

      [liburua osorik RTF formatuan]
      [Literaturaren Zubitegia]

 

Bertsio elektroniko honen egilea: Josu Landa Ijurko.

Iturria: The earliest translation of the Old Testament into the basque language (a fragment), Pierre d'Urte (Llewelyn Thomas-en edizioa). Oxford, at the Clarendon Press, 1894.

 

 

aurrekoa hurrengoa

BERROGOI ETA LAURGARREN KAPITULUA

 

Iosepek bere anaiak ianhariz probeditu eta,

manatzen du haren thaza ezar dadillala

Benjamiñen zakhuan.

4 Eta haren anaiak partitu ondoan, iarraiki

eragiten diote ondotikan thaza azarkatzeko.

11 Edireten da thaza Benjamiñen zakhuan.

13 Hortaz haren anaia guziak harriturik osoki

bihurtzen dire Iosepengana

16 eta beheratzen zaizko haren miserikordiari.

18 Iudak guzien artian galdetzen dio Iosepi

idukia izatera esklabotzat Benjamiñen lekhuan,

Iakob bere aitari egin zioen promesa zela kausa.

 

        1. Eta Iosepek manatu izan zuen bere ianhari nausia, ziotsala, bethetzak ianhariz iende horion zakhuak iasan ahal dezaketen bezanbat, eta ezarzak batbederaren dirua bere zakhuaren zintzurrean.

        2. Eta emak ene thaza, zillhar thaza, ttipienaren zakhuaren zintzurrean, elkharrekiñ haren ogiaren dirua. Eta egin zuen nola ere Iosepek erran baitzioen eta hala.

        3. Goizean eguna izatu zen orduan, egorri zituzten personaia hek bere astoekiñ.

        4. Hiritikan ilkhi izan ziren orduan, hagitz urrun goan zitezen baño lehen, Iosepek erran zioen bere ianhari nausiari, oha, ondotik iarraik akiote personaia hei: eta hek atzeman dituan orduan, erran diozotek, zergatikan bihurtu duzue gaitza onarentzat?

        5. Eztuk hori non edaten baitu ene iaunak: zeña egiazki ezagutuko baitik? Gaizki egin duke egin duzuen hortan.

        6. Eta ianhari-nausiak atzeman zituen, eta erran ziotzaten hitz hek.

        7. Eta ihardetsi izan zioten, zergatik ene iaunak erraten ditu horlako hitzak? eztakiotela bada gertha hire muthillei egitera horlako gauzarik.

        8. Horra, bihurtu daroagu Kanaango herritikan gure zakhuen zintzurrean ediren izan ginduen dirua, eta nola ebats giñezake dirua edo urrea hire nausiaren etxetikan?

        9. Hire muthilletarik zeñetan ere aurkhituko baita eta hura hill bedi eta gu ere esklabo izanen giaizkok ene nausiari.

        10. Eta erran zioten, egin bedi bada orai horrela zuen hitzen arabera: zeñetan ere aurkhituko baita eta hura izan bekit esklabo, eta zuek zaitezten inozent.

        11. Eta berehala batbederak phausatu zuen bere zakhuak lurrean: eta batbederak ideki zuen bere zakhua.

        12. Eta miratu zuen, hasten zela haundienaganik, eta akhabatzen zuela ttipienean. Eta thaza aurkhitu izan zen Benjamiñen zakhuan.

        13. Orduan zathikatu zituzten bere tresnak, eta batbederak kargatu zuen bere astoa eta bihurtu ziren hirira.

        14. Eta Iuda bere anaiekien ethorri zen Iosepen etxera, zeña baitzen oraño han eta iarri ziren ahuspez haren aitziñean lurrean.

        15. Eta Iosepek erran zioten, zer akzione duk zuek egin duzuen hori? Eztakizue ni bezalako gizon batek eztuela faltatzen asmatzera.

        16. Eta Iudak erran zioen, zer erranen dugu, ene iauna? nola mintzatuko gare? eta nola iustifikatuko gare? Iainkoak ediren izan dik hire muthillen hobena. Horra, esklabo giaizkok ene iaunari, hanbat gu nola noren ere eskuan aurkhitu izan baita thaza eta hura.

        17. Bañan erran zuen, eztakidala bada gertha horren egitera. Gizona, zeñaren eskuan aurkhitu izan baita thaza, izango ziaitak esklabo: bañan zuek, igan zaitezte bakean zuen aitarengana.

        18. Iuda bada hurbildu zen harenganik, erraten zuela, helas, ene iauna! othoizten aut, hire muthillak erran dezan hitz bat, ene iaunak aditzen duela, eta hire kolerak eztezan irakit hire muthillaren kontra: ezen ez aiz Faraon baño gehiago ez gutiago.

        19. Ene iaunak galdetu ziotean bere muthillei, ziotsala, baduzue aitarik edo anaiarik?

        20. Ihardetsi gindioan bada ene iaunari, badiagu gure aita zeña baita zaharra, eta haur gazte bat sorthua haren zahartzean, zeña baita gure artean den ttipiena, zeñaren anaia hill baita, eta hau gelditu duk bakharra bere amaganik, eta bere aitak maite dik.

        21. Eta erran diotek hire muthillei, iautsaraz zazue enegana, eta ikhusiko diat.

        22. Eta erran gindioan ene iaunari, muthillak eziñ utz ahal lezakek bere aita: ezen uzten baldin badu, haren aita hillen duk.

        23. Orduan erran zioten hire muthillei, zuen anaia ttipiena iausten ezpada zuekiñ, eztuzue ikhusiko gehiago ene bisaia.

        24. Eta gerthatu izatu duk, hire muthill ene aitagana bihurtu eta, deklaratu giñotzaan ene iaunaren hitzak.

        25. Gero gure aitak erran zian, bihur zaitezte, eta eros diezaguzue ianhari aphur bat.

        26. Eta erran gindioan, eziñ harat iauts ahal giaitezkek: bañan gure anaia xumeena gurekin baldin bada, iautsiko gaituk harat: ezen eziñ ikhus ahal zikeagu personaia haren bisaia non gure anaia ttipiena ezten gurekien.

        27. Eta hire muthill gure aitak ihardetsi ziarokuan, badakizue ene emazteak egin darozkidala bi haur:

        28. zeñetarik bat goan baita eneganik: eta erran diat, zer ere baita segur duk zathikatua izatu dela, eta eztudala oraideraño.

        29. Hau ere khentzen baldin baduzue ene aitziñetik, eta zerbeit ondiko hillgarri gerthatzen baldin bazaio, iautsaraziko ditut zuela ene ille xuriak desplazerekiñ hobira.

        30. Orai bada, ethorriko naizen orduan hire muthill ene aitagana, eta muthilla gurekiñ izango eztenean, zeñaren arima baitu lothua berearekiñ,

        31. gerthatuko duk ikhusi izanen duen bezain sarri eztela han izango muthilla hillen duk. Hala hire muthillek iautsaraziko tiztek dolorerekiñ hire muthill gure aitaren ille xuriak hobira.

        32. Gehiago, hire zerbitzaria kauzione errendatu duk mutillarentzat ekhartzeko ene aitaganik, eta erran dik, ekhartzen ezpaldin badaroat, obligatua izango niatzaiok penara bethierekotzat ene aitari.

        33. Hala orai, othoizten aut, hire muthilla egon dakion esklabo ene iaunari muthillaren lekhuan, eta muthilla igan dadiñ bere anaiekiñ.

        34. Ezen nola igango naiz ni ene aitagana, muthilla enekiñ ezpaldin bada? begiratu behar da ikhus eztezadan ene aitari gertha zaioen desplazera.

 

aurrekoa hurrengoa